Jo Jeeta Wahi Sikandar

.... jo hara wo Alcatel


jeevan mein ek sitara tha .. maana woh behad pyara tha
woh doob gaya to doob gaya
ambar ke aagan ko dekho
kitne iskay taare toote .. kitne iskay pyare choote
jo choot gaye phir kahan mile
par bolo toote taaron par .. kab ambar shok manata hai
jo beet gayi so baat gayi

jeevan mein woh tha ek kusum .. they us par nitya nichavar tum
woh sookh gaya to sookh gaya
madhuvan ki chaati ko dekho
sookhi kitni iski kaliyan .. murjhaayi kitni ballariyan
jo murjhaayi woh fir kahan khili
par bolo sookhe phoolon par .. kab madhuban shor machata hai
jo beet gayi so baat gayi

jeevan mein madhu ka pyala tha .. tumney tan mann de daala tha
woh toot gaya to toot gaya
madiralay ke aangan ko dekho
kitne pyale hil jaate hain .. gir mitti mein mil jaate hain
jo girte hain kab uthte hain
par bolo toote pyalon par .. kab madirala pachtata hai
jo beet gayi so baat gayi

mridu mitti kay hain bane hue .. madhu ghoot phoota hi kartay hain
laghu jeevan lekar aaye hain .. pyale toota hi karte hain
fir bhi madiralaya kay andar ..
madhu kay ghat hain .. madhu pyale hain
jo maadakta kay maare hain .. woh madhu loota hi kartay hain
woh kachcha peene wala hai .. jiski mamta ghat pyalon par
jo sachchey madhu se jala hua .. kab rota hai chillata hai
jo beet gayi so baat gayi